صديقي الملحد
أملك ناحيتك كل أحترام و تقدير، و من واقع هذا الأحترام الذي أتمنى أن يكون متبادل برجاء أخذ دقائق لقراءة ما لدي
لدي الكثير من الأعجاب تجاه أفكارك و أختياراتك الشخصية.
أحترم بوصلتك الأخلاقية الداخلية
في أغلب أحاديثنا توافقني أن الدين أو ما أؤمن به من المفضل أن يبقى شيئا خاصا بصاحبه ، وهو شيئ مثل الملابس الداخلية
(شيئ هايل أن يكون عندك لباس ، بس مش لازم تسقط البنطلون عشان تفرجه لكل الناس)
و توافقني أيضا أنه لا يجب التمييز بين شخص و آخر بناء على أيمانه أو ميوله أو جنسه أو لونه
و بناء على كل ذلك
أسمح لي بحبة فضفضة
لما أنت تسب الدين لكل المؤمنين ليل نهار مبتاخدش ثواب ولا حاجة
لما تخلي ١٠ يلحدوا مش هيتبنيلك قصر في العدم
حضرتك لما بتشير صورة ٥٠ أو ١٠٠ عالم عظيم مع مقولة كل واحد بتفيد أنه ملحد أنت مبتخدمش الألحاد
لأن العلماء في تاريخ البشرية بالملايين و اللي أنت بتعمله أنك بتوضح أن ألحاد العلماء أستثناء مش قاعدة
الفكرة نفسها سخيفة لأن الألحاد مش دين ، لكن بشير زي ده و ستاتوس زي أنا ملحد و أفتخر بتخليك تعمل زي المسلمين اللي بيعملوا شير كل شوية لأن واحد أسلم كأنه محتاج حد يأكدله صحة دينه طالما فلان أسلم يبقى أنا صح
حضرتك بتقول طالما فلان ملحد يبقى أنا صح
أنت مش ملحد عن أقتناع شكلك
وبعدين أنت أكتر واحد لازم تفهم أنك ملحد مش بيخليك مميز ولا أنك أذكى من الناس كلها
فيه أكتر من مليار ملحد
فيهم فاشل و فيهم ناجح
أنت كملحد تقدر تستمتع بحاجات كتير محروم المؤمن بيها ، معندكش خطوط حمرا غير اللي أنت بتحطها لنفسك
و تقدر تقدر كل حاجة كويسة أنت بتعملها أنها صادرة منك أنت مش جايالك بأمر ألهي و لو معملتهاش هتتنفخ
تقدر تسمع لكل الأفكار من غير ما ترفض حاجة من الأساس
كونك ألحدت ده معناه أنك في الأصل متفتح للأفكار الجديدة مهما كانت صادمة
و أكيد أنت وصلت لأختيارك بعد قراءة و أستماع لأفكار مختلفة
لكن اللي أنت بتعمله لما تستهزئ بدين أي حد بتخليه يتمسك بأفكاره أكتر
أستمتع بحايتك
أنت هتعيش مرة واحدة ، بعدها مفيش غير العدم
هتضيع حياتك الواحدة ديه في محاولة أقناع الناس أنها تبقى حرة بدل ما تستمتع أنت بحريتك ؟
خليك ملحد صالح
خليك في حالك
صديقي المؤمن
لا يملك الأشخاص سوى أن يحسدوك، مهما تأزمت الأمور كلمة واحدة تنطقها من وسط الألم أن أعتصر قلبك
يا رب
يهودي مسيحي أو مسلم
يا رب
أنت لست وحدك ، هناك من يراك و من يحبك
لكنك تخطأ أذا أعتقدت أنه يحبك وحدك
حتى أن أحببت أنت طفل من أطفالك أكثر من الأخر ، فأن ربك يحب كل خلقه سواء فهو الكامل
هل تعتقد أن ربك يريد أن يريد بأي من خلقه ضررا ؟
أنت تملك الخلود يا صديقي و تملك الأمل و تعلم أن العدل واقع
لكن لا يوجد ما تفتخر به
أنت لم تختر دينك ، لقد ولدت به
و كل الأيمان و اليقين الذي يملئ قلبك هو رحمة من ربك و لا يد لك به
لماذا تكره الملحد ، هو لا يستمتع بالدنيا فلا يوجد لديه سند في دنياه ولا رب يناديه في ألمه
و بعد الموت أنت لك الجنة و هو سيعذب الى الأبد
ألا تشفق عليه ؟
دعه يستمتع بما يملكه الآن
لا تزد مأساته ، دعه يشرب الخمر طالما لا يدعوك لمشاركته
طالما لم يسألك عن أفعالك لا تسائله عن أفعاله
لست نبيا ولا مرسلا ، لديك الكثير من العمل لتستطيع أن تنول الجنة
لا تضيع وقتك
أستغل الوقت في العبادة و الدعاء له ، تحدي أفكاره سيزيده عندا
لم يولد الملحد ملحدا و الكثيرمن الملحدين عادوا مؤمنين و أكثر أيمانا من الذين لم يشككوا يوما
صديقي الأجنوستيك
أنت برنس
