طيب القصة بسرعة للي مكسل يقرأ
facebook سنة ٢٠١٢ و تحديدا في يناير و لمدة أسبوع
أختارت حوالي ٧٠٠ ألف شخص بطريقة "عشوائية" و غيرت الfeed بتاعهم
مجموعة بقى كل اللي بيطلعلهم في الfeed أخبار زفت و كئيبة negative feed
و مجموعة كل اللي بيطلعلهم أخبارpositive و فيدوهات و صور مبهجة
عشان نبقى واضحيين هما مألفوش الposts ديه هما فلتروها filter
(و الحقيقة أن في العموم أنت أغلب اللي بتشوفه في الfeed عندك متفلتر بالفعل حسب أنت بتتفاعل مع مين أكتر و عاداتك الشرائية و قراءاتك و أي حاجة بتعملها و أنت logged in على ال facebook )
المهم أن ديه حاجات صحابك عملولها شير ،بس ديه مش كل حاجة عملولها شير
ديه الحاجات الإيجابية بس لو أنت في مجموعة ١
أو الحاجات السلبية بس لو أنت في مجموعة ٢
نتيجة البحث قيمة جدا لأنها أثبتت أن الحالة النفسية بتاعتك بتتأثر بالfeed بتاعك على ال facebook
بس ديه مش النقطة المهمة
المهم هل اللي عملوه ده أخلاقي ؟
هما تلاعبوا بينا و هما مش مكسوفين أو خايفين يقولوا
facebook manipulated us and they are not shy about it
الللي عملوه كان قانوني تماما
لأننا على ما يبدوا لما عملنا accept على ال terms and conditions كان فيه فقرة بتتكلم عن أن ال facebook من حقه يفلتر الفيد بيج بتاعتك و يستخدم ال behaviour بتاعك في نتايج أبحاث
فأشطة قانونا هما ميه ميه
بس أخلاقيا ، أيه تأثير ده على ال ٧٠٠ ألف شخص اللي ممكن يكون ده حصل في فترة صعبة من حياته ولقى كل حاجة سلبية فخد قرارات في حالة نفسية سيئة
مثلا يعني كأبسط حاجة
الموضوع ده ليه تداعيات كتير جدا و الكلمتين دول أول حاجة بس جت في دماغي
فلترة الأخبار اللي بتوصلك مش بتتلاعب بمشاعرك بس ديه ممكن تتلاعب بمواقفك و أرائك السياسية
كل مجموعة بتتبنى فكرة هتلاقي الfeed بتاعها شبه بعض و ده ليه علاقة بحجم تفاعلها مع كل شخص زي ما قلت قبل كده
بس ده في حالة موقف مسبق لكن لو حاجة جديدة أو قانون معروض على الكونجرس مثلا و مواطن أمريكي لا مع ولا ضد ، ميعرفش حاجة عن موضوع القانون
غالبا موقفه السياسي هيبقى مطابق مع أراء الناس الي عنده في ال social network feed
لاحظ أن ديه تجربة في سنة ٢٠١٢ لسه أحنا عارفين عنها من أيام
و في تجارب تانية شغالة دلوقتي و مش عارفيين ممكن تكون مأثرة علينا أزاي
المفروض أقفل ال facebook طيب؟
مستحيل
ده بقى جزء من حياتنا ، لو أنت مش موجود عليه أنت مش موجود أصلا
يعني ممكن أبقى أكتب تاني عن الموضوع ده لما ينشروا نتايج أبحاث/تجارب تانية
أتعملت علينا
