Wednesday, November 30, 2011
عن الكلوت والبوكسر واللباس وقلة الأحساس يا سيد الناس
تنقسم حياتي كأي رجل لثلاث مراحل
الماضي مرحلة الكلوت
"شي لله يا چيل"
الطفولة الأنبهار بكل جديد
مع الكثير من المبالغة والخيال
الحاضر مرحلة البوكسر
"أصحابك زي بوكسراتك(غاليين فشخ)"
زمان كنا بنشتري الكلوتات الجيل بالدستة
و أعتقد كانوا مريحين وزي الفل و بحوالي ٣٠ جينيه الدستة
دلوقتي البوكسر بيتراوح سعره ما بين ٦٠ جنيه و ٩٠ جنيه
ده الواحد
و ده بيفسر ظاهرة تسقيط البنطلونات
بس والله مش كلنا بنسقط مع أن بوكسرتنا غالية ، مش هنسى واحد صحبي أشترى بوكسر أرمانيArmani بحوالي ٦٠ دولار
و ساعتها كلنا أجتمعنا كأصحابه و هدفنا نقنعه أنه لازم يسقط البنطلون
قلبنا عليه برضوا ما عدا الواد أسترالي جه الأجتماع عشان يقنعه يسلفوا البوكسر و لما قلنالوا أنت معفن حلف أنه كان هيلبسوا من فوق البنطلون زي سوبر مان
وزي ما أنتوا فهمتوا في المرحلة ديه المظاهر بتبقى مهمة جدا
المستقبل مرحلة اللباس الزي الرسمي للبيت
"ولا لباس نضيف يا ولية؟"
و في الوقت ده أنت ضاربها جازمة المهم البيت والعيال
و اللباس بتجيوبوا من العتبة ب ٢،٥ مع دستة الكلوتات الجيل للعيال
و البنطلون لازم يغطي السرة عشان ميبقاش في أي أحتمال أن حد ياخد بالوا من نوع اللباس
بس لما سافرت لاحظت أن الواحد مش مرتبط بسن عشان يكون كلوت أو بوكسر أو لباس
أصل الحكاية أن في ناس بتيجي هنا تحسسك أنها جت الجنة
و أنها ما عشتش ولا شافت قبل كده و دول الكلوتات
في ناس قابلتها هنا و ده بعض أجزاء الحوار
شفت الجمبري هنا أد أيه مفيش منوا في مصر ده هه ؟
شفت الدريف ثرو ده أختراع مفيش منوا في مصر؟
شفت أنواع العربيات متلاقيش زيها في مصر ؟
و لما لقيت فرصة أتكلم أخيرا
شفت الجمبري و أكيد في منوا في مصر و ياما كلت منوا في فيش ماركت و حلقة السمك و قدورة و كان أكبر من ده كمان
الدريف ثرو مرمي في المعادي بقالوا سنين و ما شاء الله بتوع المعادي فرحانين بيه زيكوا بالضبط لحد ما عملوا دريف ثرو تاني في أكتوبر والتجمع
شفت كل العربيات ديه في مصر ، الحمدلله الحرامية كتير عندنا و العربيات ديه شخصيا بتجيلنا جامعة الدول و بيعملوا بيها اللي مينفعش يعملوه هنا
ناقص تقولي شفت البني أدميين هنا عندكم بني أدميين في مصر؟
هو أنت حاسب اللي في مصر دول …………….
وقبل ما يكمل كنت قمت مشيت
النوع التاني البوكسرات
أيه ده مالك فرحان بالمترو كده ليه ده عادي يعني أنا على فكرة عمري ما ركبتوا أنا على طول بركب البورش بتاعة بابا.
أيه ده أنت هتعد تتصور قدام برج خليفة و تستنى النافورة الراقصة فاكس أوي على فكرة
سينما أي ماكس أيه اللي أنت عايز تروحها أيه الهبل ده
أنت بتصور أيه لعب أطفال و هاري بوتر و باتمان يا أبني أكبر بقى
و ده ردي
عشان المترو ده يا تحفة أجدد مترو في العالم، من غير سواق ، متصمم ومتصنع بالكامل في اليابان و جاي لا مؤخذة على التركيب
وبيوريك لاند سكيب عمرك ما هتشوفوا على الهاي واي في عربية الوالد
برج خليفة تصميمه فعلا مبهر وحاليا هو أطول برج في العالم ، في ناس بتيجي البلد مخصوص علشان بس تتصور قدامه وتتفرج على النافورة اللي عنده
آي ماكس ديه دور عرض سينمائي للأسف مفيش منها في مصر بتعرض نسخة خاصة من بعض الأفلام الأمريكي
مينفعش تتعرض على أي شاشة عرض تانية بتبقى عالية الجودة و تجربة مختلفة عن الفيلم العادي
ديه مش لعب أطفال ديه أكشن فيجرز
وديه حاجات أنا بحبها وليا أصحابي حابب أبعتلهم الصور ديه
وفي النوع التالت وهما طبعا اللبسة
وديه مثال على محادثة:
……………………………………………………..
………………………………………….
وده ردي
؟؟؟؟؟!!!!!
أه هفهمكم عشان كل واحد فيهم كان في الأصل لباس
فهما مهتموش أنهم يقابلوني أو حتى يسلموا عليا
غالبا خايفيين أطلب منهم حاجة :)
ناس أصيلة
بس أكيد لازم عندها ظروف
طب أنا المفروض أتعامل أزاي
الكلوت : منفرط من كتر الأنبهار
البوكسر:الشاب الشيك اللي شاف الكلام ده كله قبل كده و عادي يعني
اللباس: أمسح كل اللي عندك على الفيس بوك و أبتدي صفحة جديدة …… حرفيا
اللي يعرفني يعرف أني عمري ما كنت لباس
;)
بس ساعات ببقى بوكسر وسط بعض الأصدقاء كان أسمي بقسماط
و كان يوم ما نيجي نخرج و أنا اللي هختار المكان كانوا يكلموا بعض و يسألوا : ليك في البقسماط ؟
السؤال معناه أن باسم هو اللي هيختار مكان الخروجة فأعمل حسابك أنك هترجع بيتكوا مفلس
ماشي ولا عندك جمعية الشهر ده ؟
مش فكرة أني بحب الأماكن الغالية
بس بحب الأماكن الحلوة
اللي عادة بتكون غالية …….. صدفة مش أكتر
وهناك بتعامل بتناكة شديدة جدا
بفلوسي يا كلاب
و مفيش حاجة ببهرني
وساعات ببقى كلوت
أتفرج عليا و أنا بحكي عن فيلم عجبني
أو حتى عن مكان عجبني أنبهار مش طبيعي زي الأطفال بالضبط
طب شوفني و أنا باكل أو بتكلم عن الأكل
أنا بستمتع وبنبهر بالأكل
الأختيار مش صعب
أنا فعلا أنبهرت
بمحطات البص المكيفة اللي مفيش زيها في العالم
بالأكل
كنتاكي مثلا هنا مش طبيعي بجد حرام عليهم اللي بيعملوه فينا فى مصر
بس أحب أطمنكم ماك هنا زي بتاع مصر بالضبط و ده شيئ رائع أنهم محافظيين على نفس المستوى من السوء في العالم كله
أنبهرت بالنظام
أنبهرت بأن الناس بتضحك في وشك بجد
يا جماعة الناس ديه عملت مجهود عشان تبهرك ، عشان تبهر أي حد من أي مكان في العالم
ليه التناكة أفرح أنبسط
آستمتع
محدش هيقول عليك كول وجامد عشان مش مستمتع
بس برضوا متزودهاش ما أنت مش جي من الأحراش أنت جي من مصر
فأتلم شوية و خليك فخور ببلدك مع تقديرك للحاجات اللي تستحق التقدير هنا
و أستمتاعك بيها
أنا هفضل منبهر وبتاج نفسي في كل مكان بروحوا ببقى فرحان أني فيه
و هتصور صور كتير عشان صحابي اللي كان نفسي يبقوا هنا يشوفوها
مش تنطيط على خلق الله
أنا خايف من اليوم اللي هتعود فيه و هبطل أنبهر لأني ساعتها هبقى لباس
ما تبقاش كلوت
ولابوكسر ولا لباس
خليك بني آدم عندك أحساس
Monday, November 28, 2011
My Day Off
بمنتهى الهدوء والبساطة جاء مديري يخبرني أنه يحتاجني في العمل في يوم أجازتي
بكل الغضب رفضت
بكل صبر قال لي أني سأحصل على أجر مضاعف أذا أتيت يوم أجازتي و كموظف جديد يجب علي أن أثبت ولائي و حبي للعمل
جاوبته " سيدي مع كامل أحترامي للعمل و الشركة و عرضك السخي للأجر المضاعف ، وبالرغم عدم أنشغالي في يوم أجازتي بأي شيء هام وجب علي الرفض
يا سيدي أنني أعمل كي أملك ما أنفقه في يوم أجازتي
يا سيدي ما تراه كل يوم هو ليس أنا ، أناأكون أنا يوم أجازتي
حينما أتحرر من بذلتي و أبتسامتي
و بالنسبة لك فأنا لا أوجد يوم أجازتي
بكل الغضب رفضت
بكل صبر قال لي أني سأحصل على أجر مضاعف أذا أتيت يوم أجازتي و كموظف جديد يجب علي أن أثبت ولائي و حبي للعمل
جاوبته " سيدي مع كامل أحترامي للعمل و الشركة و عرضك السخي للأجر المضاعف ، وبالرغم عدم أنشغالي في يوم أجازتي بأي شيء هام وجب علي الرفض
يا سيدي أنني أعمل كي أملك ما أنفقه في يوم أجازتي
يا سيدي ما تراه كل يوم هو ليس أنا ، أناأكون أنا يوم أجازتي
حينما أتحرر من بذلتي و أبتسامتي
و بالنسبة لك فأنا لا أوجد يوم أجازتي
لا للمال قيمة ولا للعمل بدون هذا اليوم المقدس كفاني ذلا أنه يوما واحد في الأسبوع
ولو أجبرتني تركت لك الشركة والبلد كله من أجل يوم أجازتي
فيه أحيا و بدونه من أنا ؟"
ولو أجبرتني تركت لك الشركة والبلد كله من أجل يوم أجازتي
فيه أحيا و بدونه من أنا ؟"
I work to afford the things I do on my day off
ليه البعبوص
من كام سنة أشتركت في التويتر مكنش عليه كتير من أصحابي واللي كانوا عليه مكنوش بيستخدموه كتير
أنا شخصيا في الفترة من ٢٠٠٩ ل ٢٠١٠ أستخدمته حوالي ٦ مرات بس
و كل الناس اللي كنت بعملهم فللو كانوا أمريكان
ثم قامت الثورة
وفجأة بقى فيه أقبال غير عادي على التويتر
مش ديه المشكلة.......
جزء من المشكلة كان أن الناس بدأت تتعامل معاه كموقع أخباري
و أن طالما عندك أكونت على تويتر
يبقى أنت صحفي و محلل سياسي و مراسل أخبار، مش مهم الأخبار والتحليلات ديه حقيقية ،مؤكدة أو مهمة
المهم تقدر تتويت كام تويتة في الدقيقة
الجزء الأكبر بقى من المشكلة كان في طريقة نقل الخبر أو تحليله، يعني خبر زي
"الحكومة تطعن في قرار محكمة كذا بخصوص كذا"
عشان تبقى تويتاراوي محترف والفللورز بتوعك كتير لازم تكتبه
"الحكومة الوسخة بنت المتناكة طعنوا في حكم محكمة كذا بخصوص كذا "
و يا حبذا لو أضفت في النهاية "يا أخي أحا" أو "أشخري يا أنشراح" أو أي شئ من هذا القبيل
طيب الموضوع أبتدى من الرجالة و كان ظاهر قوي وقت الثورة
و الأسباب منطقية نوعا ما، ديه اللغة اللي بتبين مدى غضبنا و كنا أنفجرنا خلاص فكان أستخدام الألفاظ ديه في مكان عام قدام الناس كلها نوع من أنواع الثورة و حالة الأنفجار اللي وصلنا له
و بعدين التويتر مش مكان عام أوي، مش زي الفيس بوك مثلا مجرد أسم بتحطه و مش محتاج تحط صورتك أو أي معلومات
عنك وعيش
فيمكن لنفس الأسباب ديه ولوجود كبت وضغط أكتر عليهم قبل و بعد الثورة بدأ البنات ينجذبوا للغة ديه
و بدأت أشوف البنات بيستخدموا لغة أكثر بذائة من الرجال في التويتر
عادي متنفس ليهم في الآخر برضوا محدش عارف هما مين
بالعكس أبتديت أعمل فللو لبعض البنات اللي بتكتب بالطريقة ديه عشان كان موضوع غريب
بس اللي حصل بعد كده أن اللغة ديه بدأت تتسلل بشويش للفيس بوك
بدأت بالرجالة برضوا
ساعتها أستغربت من جراءة بعض الناس اللي عندهم أهلهم وزمايلهم في الشغل
مش مشكلة أصحابهم
أصحابهم متعودين عليهم
بس
أنا عارف كويس أن لحد النهاردة في أسلوب كلام وألفاظ مينفعش تستخدم قدام البنات
من كام سنة أنا كنت أستثناء كنت بكتب ستاتوس على الفيس بوك أتكلم على الفرنش كيِس و البورن و أهرج
و كان بنات كتير بتشلني من عندها لقلة أدبي مع أني كنت بكتب الكلام ده بالأنجليزي
نفس البنات اللي كانت تتكسف أبقى عندها على الفيس بوك بسبب الأستايتوس أو حتى تقرا الأستاتوس وتتكسف تكومنت
دلوقتي بيكتبوا ستيتوس مليانة شتيمة
وفجأة بقى كل الحديث عن
"ولاد الكلب، المعرصين، ولاد الوسخة، الشرمطة"
وفجأة بقى كل الحديث عن
"ولاد الكلب، المعرصين، ولاد الوسخة، الشرمطة"
على رأي واحدة عندي على الفيس بوك كتبت
"" يا ولاد الوسخه " اكثر كلمه بشوفها اليومين دول .
الموضوع بقى زيادة
أنا كل اللي بكتبه ده مجرد عرض للوضع مقدرش أقول للمشكلة لأن تصنيف اللي بيحصل ده على أنه مشكلة معناه أنوا أستثناء
لكن الحقيقة هو ده السائد و هو ده الحال اللي محتاج حد زي دكتور جلال أمين عشان يفسروا
كل ده يرجعنا للسؤال ليه البعبوص؟
لأن الوضع الحالي بيخليني أعبر عن اللي أنا عايزه باللغة اللي بفكر بيها
من غير أحراج ده بقى الطبيعي
و محدش هيفكر يقولي ولد أو بنت أيه قلة الأدب ديه
و محدش هيفكر يقولي ولد أو بنت أيه قلة الأدب ديه
و لأن دماغي أتاكلت
من كتر صور البروفيل على الفيس بوك اللي محطوط فيها بعبوص
من حقَك/حقِك أنك تستخدم البعبوص كصورة للبروفيل عندك
لكن كواجب وطني و نداء أطالب بالتخلي عن صورة البعبوص الأمريكي
والبدء بأستخدام البعبوص المصري
و لو أنك بعبصت أو أتبعبصت قبل كده هتعرف أن البعبوص المصري أكثر كفائة وفاعلية على أرض الواقع.
و لو متابع أفلام سكس هتلاقي في أتجاه قوي في الغرب دلوقتي لأحلال البعبوص المصري بدلا من البعبوص الأمريكي أو البريطاني
وكمان أنا من صغري أهوى البعبصة أي خرم تلاقي صباعي راشق فيه
لحد ما مرة كنت عايز أبعبص فيشة الكهربة بس أبويا لحقني وكانت المرة الوحيدة اللي ضربني فيها في حياته وقللي بطل بعبصة في الفيش
أنا طبعا مفهمتش أن كلمة بعبصة ديه عيب و فضلت أستخدمها لسنين عدة لحد ما عرفت أن معناها عيب و أنا عندي ١٢ سنة في موقف بايخ جدا مش هحكيه
بس ما أزال أستشعر الحنين و الأشتياق للكلمة
و ها قد جاء زمن الحرية الذي يسمح لي أن أبعبص كما يحلو لي.
Friday, November 11, 2011
العزف على الأوتار
عن سقم الروح وأنغلاق الوجدان
عن جلوسي اناجي سقف الغرفة والحيطان
عن خيالاتي و اضراباتي
عن عقلي الرافض لاخفاقاتي
عن قلبي يسائلني ما انت بفاعل فقد كانت هذه آخر..........
عن جلوسي اناجي سقف الغرفة والحيطان
عن خيالاتي و اضراباتي
عن عقلي الرافض لاخفاقاتي
عن قلبي يسائلني ما انت بفاعل فقد كانت هذه آخر..........
Subscribe to:
Posts (Atom)